Жозе Моуриньо бошқарган жамоалари ичида «Тоттенҳэм»ни у билан яхши алоқада бўлмаган ягона клуб деб атади.

«Тоттенҳэм» — мен билан яқин муносабатда бўлмаган ягона клуб. Мухлислар нотўғри тушунишмасин. Эҳтимол, ковид пайтида стадион бўш бўлгани сабабдир. 

Ёки президент Леви финалда ўйнашимга ва соврин қўлга киритишимга имкон бермагани учундир», — дейди ҳозирда «Рома»да ишлаётган португалиялик мураббий. 

Эслатиб ўтамиз, Моуриньо топ-5 лигада фақат «Тоттенҳэм» билан соврин ютолмаган. У жамоани Лига Кубоги финалига олиб чиққан, аммо финалгача ишдан бўшатилган ва «шпорлар» ҳал қилувчи баҳсда «Ман Сити»га (0:1) ютқазган.