«Севилья» мухлислари «Реал»га қарши ўйинни бойкот қилишади.

Бунга Винисиус Жуниорнинг «Валенсия»га (0:1) қарши ўйинда олган қизил карточкаси бекор қилингани сабаб бўлди. 

Эслатиб ўтамиз, «Реал» футболчиси ўша ўйиндаги можаро вақтида унинг ортидан бўғган рақиб ҳужумчиси Уго Дуронинг юзига мушт туширганди. Бош ҳакам Рикардо Бенгоэчеа видеотакрорни ўрганиб чиқиб, бразилиялик вингерга қизил карточка кўрсатган, Дуро эса огоҳлантирилмаганди. 

Кейинчалик Игнасио Иглесиас Вильянуэва бошчилигидаги ВАР ҳакамлари Испания Қироллик футбол федерацияси томонидан четлатилди, Винининг дисквалификацияси эса бекор қилинди. 

Vamos Mi Sevilla хабарига кўра, бу қарорга норозилик сифатида
«Севилья» мухлисларидан мадридликларга қарши ўйин вақтида стадионга бормаслик сўралган.

Ла Лиганинг 37-туридан ўрин олган «Севилья» — «Реал» баҳси 27 май куни бўлиб ўтади.