Япониянинг «Виссел Кобе» клуби сафида 5 йил фаолият олиб борган Андрес Иньеста жамоани тарк этаётганини расман эълон қилди.

39 ёшли испаниялик футболчи 1 июль куни япон клубидаги сўнгги учрашувини ўтказади. 2018 йилдан буён Осиёда фаолият олиб бораётган тажрибали яримҳимоячи 5 йилликдан сўнг оиласи Европага қайтишга қарор қилган.

«Аввал ҳам айтганимдек, ҳаётимнинг қайсидир босқичида яна «Барселона»га қайтишни истардим. Аммо бунга ҳали вақт бор, деб ўйлайман. Чунки қаерда бўлса ҳам мен ҳали футбол ўйнашда давом этмоқчиман. Умид қиламанки, Хави ҳали узоқ вақт давомида клубни бошқаради», - дея Иньестанинг сўзларини келтирган Goal.

Маълумот учун, Иньеста «Виссел Кобе» сафида жами 133 ўйинда майдонга тушиб, 26та гол ва 25та ассистга муаллифлик қилган.