«Ливерпуль» бош мураббийи Юрген Клопп яримҳимоячи Артурнинг жамоадан кетишини тасдиқлади. 

Бразилиялик яримҳимоячи 2022 йил 1 сентябрда «Ювентус»дан ижара асосида мерсисайдликлар сафига ўтганди. Ўшандан бери у асосий таркибда 13 дақиқа ўйнади — 7 сентябр куни «Наполи»га қарши ўйинда (1:4). Кейин футболчи октябр ойида футболчи жароҳат олиб, февралгача сафдан чиққанди.

«Мен Артурнинг ижара муддати тугаши муносабати билан унга энг яхши тилакларимни билдирмоқчиман. Унинг профессионаллиги ва қобилияти ҳар бир кишига яққол кўриниб туради», — деди «Ливерпуль» бош мураббийи Клопп.

Фабрицио Романонинг сўзларига кўра, Артур ёзда «Ювентус»ни тарк этади — у бошқа клубга сотилади.