Қозоннинг «Рубин» клуби бир йилдаёқ Россия Премьер-лигасига қайтди.

Россия Биринчи лигаси 32-турида сафарда «Балтика»ни мағлуб этган (1:0) Рашид Раҳимов шогирдлари 65 очко билан турнир жадвалида 1-ўринга кўтарилишди. «Балтика» ҳам мағлубиятга қарамай, 64 очко билан РПЛга йўлланма олди.

Шу тариқа, қозонликлар аъзолари Рустам Ашурматов ва Умарали Раҳмоналиев кейинги мавсумда Россия Премьер-лигасида қатнашадиган бўлди.

Шунингдек, Ҳусайн Норчаев тўп сураётган «Алания» клуби 56 очко билан 3-ўринда бормоқда. Клуб РПЛга йўлланма олиш имкониятига эга.

Маълумот учун, ҳозирда РПЛда ўзбекистонлик Иброҳимхалил Йўлдошев тўп сурмоқда. Кейинги мавсум «Рубин»дан ташқари, «Алания» ҳам РПЛга йўлланма олса, турнирда ўзбекистонлик легионерлар сони 4 нафарга етиши мумкин.