Микель Артетанинг фикрича, «Арсенал» ҳамон АПЛ чемпионлиги учун кураш олиб бормоқда. 

«Манчестер Сити» 35 ўйиндан кейин 85 очко билан пешқадамлик қилаётган бўлса, «Арсенал» 36 ўйиндан сўнг 81 очко билан 2-ўринда бормоқда.

«Арсенал» шанба куни «Ноттингем Форест»га мағлуб бўлса ёки «Сити» якшанба куни «Челси»дан устун келса, Гвардиола жамоаси чемпионликни расмийлаштиради. 

«Ҳали турнир якунигача 2 тур бор ва «Арсенал» АПЛ тарихидаги эҳтимол, энг яхши жамоага қарши чемпионлик учун курашмоқда. Бу кураш 10 ой давом этади ва биз турнир финишигача 2та тур қолганида имкониятга эга бўлиб турибмиз. Бу ҳақда баралла гапиришимиз мумкин.

Кейинги мавсумда барчаси қанчалик ривожлана олишимизга боғлиқ бўлади. Ҳозирдан ниманидир тахмин қилиш қийин», - дейди «Арсенал» бош мураббийи.

Маълумот учун, АПЛ 37-тури доирасидаги «Ноттингем Форест» - «Арсенал» баҳси 20 май соат 21:30да бошланади.