ФИФА 2026 йилда бўлиб ўтадиган футбол бўйича жаҳон чемпионати логотипини намойиш этди.

Лос-Анжелесда ўтган тақдимот маросимида ФИФА президенти Жанни Инфантино ва Бразилия миллий жамоаси собиқ ҳужумчиси Роналдо иштирок этди.

Тақдимотда турнир эмблемасида жаҳон кубоги ва турнир ўтадиган йил ифодалангани айтилади. Шунингдек, мусобақа бўлиб ўтадиган 16та шаҳар учун алоҳида логотиплар эълон қилинади.

Маълумот учун, ЖЧ-2026 баҳслари АҚШ, Канада ва Мексикада бўлиб ўтади.