Фоларин Балогун Англия миллий жамоаси ўрнига АҚШда ўйнашга қарор қилди.

ФИФА АҚШ футбол федерациясининг бу борадаги илтимосини қондирди.

Келиб-чиқиши нигериялик бўлган ҳужумчи Бруклинда туғилган, кейин ота-онаси билан асосан Лондонда яшаган. 

Ижтимоий тармоқларда 21 ёшли футболчи «уйга қайтаман» деб ёзиб, спорт фуқаролиги ўзгарганини маълум қилди. 

Балогун «Арсенал»га тегишли, аммо бу мавсумда «Реймс»да ижарада ўйнамоқда. У 34 ўйинда 19та гол урди ва Лига 1нинг энг яхши 5 тўпурари қаторида турибди.