«ПСЖ» ҳужумчиси Лионель Месси клуб ва унинг ўртасидаги сўнгги кунларда юз берган воқеалар бўйича видео мурожаат йўллади.

35 ёшли аргентиналик юлдуз якшанба кунги «Лорьян»га қарши ўйиндаги мағлубиятдан (1:3) кейин клуб рухсатисиз Саудия Арабистонига сафар қилгач, «ПСЖ» томонидан икки ҳафтага машғулотлардан четлатилганди. 

«Ўйиндан кейин бизга одатдагидек дам олиш куни берилади, деб ўйлаган эдим. Саудияга сафарни мен ташкил қилгандим ва буни бекор қила олмасдим. Чунки бунгача бир марта бекор қилиб бўлгандим. 

«Жамоадошларимдан узр сўрайман ва клуб бу масалада менга нисбатан қандай қарорга келишини кутаман», - дейди аргентиналик ҳужумчи видео мурожаатида.