«Ан-Наср» ҳужумчиси Криштиану Роналдунинг «Ал-Ҳилол»га қарши ўйиндан (0:2) кейин мезбон жамоа мухлислари томон қилгани ҳаракати Саудия Арабистонидан қизғин муҳокамаларга сабаб бўлмоқда.

Португалиялик 38 ёшли форвард Ар-Риёддаги ўйиндан кейин «Ал-Ҳилол» мухлисларининг «Месси, Месси» дея бақирганига жавобан ножоиз ҳаракат қилгани айтилмоқда.

Dün oynanan maçta Al Hilal taraftarlarının 'Messi' tezahüratlarına Ronaldo'nun tepkisi pic.twitter.com/bNx8YusQvG

— Le Marke Sports (@lemarkespors) April 19, 2023

Бу эса икки кундан буён Саудия Арабистонида муҳокамаларга сабаб бўлмоқда. «Ал-Ҳилол» мухлислари Роналдуга чора кўришни сўраган.

Шунингдек, саудиялик адвокат Ноуф ибн Аҳмад мамлакат прокуратурасидан Криштиану Роналдунинг «Ал-Ҳилол» мухлисларига қарата ушбу ножўя ҳаракати учун Саудия Арабистонидан депортация қилинишини сўраб мурожаат қилган.

ESPN хабарига кўра, Роналду бундай ҳаракатни мухлисларга қарата атайлаб қилмаган, у ўйин якунида оёғининг юқори қисмидан зарба ўтказгани учун шундай қилган.

Маълумот учун, «Ан-Наср» ушбу баҳсда мавсумда 3-марта мағлубиятга учраб, 53 очко билан ҳозирча 2-ўринда бормоқда.