«ПСЖ» президенти Носир Ал-Хелайфи Париж клуби телетрансляциялар ҳуқуқини сотишдан АПЛнинг сўнгги ўриндаги клубидан ҳам ортда қолаётганини маълум қилди.

«АПЛнинг ТВ-трансляциялар ҳуқуқини сотиш бўйича ривожланишига қойил қолмай илож йўқ. АПЛ бу чемпионатга пул тиккан сармоядорларни қўллаб-қувватлайди, ўғринча трансляцияларга қарши кураш олиб боради ва трансляциялар ҳуқуқи сотувидан тушган маблағни тенг тақсимот қилади. 

Ўтган мавсум якунларига кўра, Премьер-лиганинг сўнгги ўриндаги жамоаси ҳам трансляция сотувидан «ПСЖ»дан кўра икки баравар кўпроқ пул ишлаб топган. Бошқа лигалар ҳам АПЛдек ривожланиши керак», - дейди Ал-Хелайфи Marca билан суҳбатда.