«Марсель» клубининг чилилик ҳужумчиси Алексис Санчес «Манчестер Юнайтед»га келишдан аввал «Манчестер Сити»га ўтишга яқин бўлганини маълум қилди. 

«Ўшанда «Манчестер Сити»га ўтишга яқин эдим. Гвардиола билан ҳар куни гаплашардик, у мени туғилган куним билан табриклаганди. У «Барса»да мен учун отамдек эди, «Сити»да ҳам барчаси яхши бўлишини айтганди. «Арсенал» ўрнимга ўйинчи топганди, аммо Арсен Венгер мени жамоада қолишимни айтганди.

Кейин эса Моуриньодан қўнғироқ бўлди ва у менга «Алексис, «МЮ»нинг 7-рақамини сен учун олиб қўйдим», деди. Гап пулда эмасди - «Сити» ва «Юнайтед» бир хил маош таклиф қилган. Жозе менга «7-рақам сеники, биз Чемпионлар лигасида ўйнаймиз ва сен жамоамнинг муҳим ўйинчисига айланасан», деди. Ўшанда «МЮ»даги дастлабки чилилик ўйинчи бўлиб, тарихда қолишни истадим. Қолаверса, бунгача 7-рақамда Кантона, Бекҳэм, Роналду, энди эса мен тўп суришим фантастика эди. 

Ҳа, «Юнайтед»даги ишларим ўнгидан келмади. Шунга қарамай, бу жамоага ўтганимдан афсусланмайман. Ҳа, «Сити»га ўтганимда аллақачон бу клуб билан Чемпионлар лигасида бош совринга эга чиқишимга ишонаман. Финалда нимадир қилишим мумкин эди», - дейди Санчес 90min билан суҳбатда. 

Маълумот учун, Санчес 2018 йил «Арсенал»дан «Манчестер Юнайтед»га ўтиб, 1,5 мавсумдан кейин клубни тарк этганди. Шундан кейин у «Интер», сўнг Франция чемпионатига йўл олди.