Яримхимоячи Лука Модрич «Реал»ни тарк этиш ниятида эмаслигини маълум қилди. 

37 ёшни қаршилайдиган «Олтин тўп» соҳиби журналистларнинг саволига жавоб берар экан, мавсум якунида Мадрид клубини тарк этиб, собиқ жамоадоши Криштиану Роналду тўп тепаётган «Ан Наср»га ўтиши борасидаги  миш-мишларга аниқлик киритди.  

«Менинг хоҳишим маълум — «Реал»да қолиш. Бунга ишонаман ва амалга ошишига умид қиламан. Қолган гаплар тахмин ва миш- миш холос. 

100-марта такрорлайман: «Реал»да қолишимга ишонаман», — дейди футболчи Уэлъсга қарши бахс олидан ўтказилган матбуот анжуманида. 

Маълумот учун, Модрич сардорлик қиладиган Хорватияни бугун, 25 март куни Евро-2024 саралаши 1-турида Уэлъсга қарши ўйин кутиб турибти.