Килиан Мбаппе Антуан Гризманн билан миллий жамоадаги сардорлик масаласи бўйича суҳбатлашди.

«ПСЖ» форвари Франция сардори, «Атлетико» ҳужумчиси эса вице-сардор этиб тайинланганди.

«Антуан билан гаплашдим, у хафа — бу тушунарли. Мен ҳам худди шундай муносабатда бўлардим, дедим.

Айтишим мумкинки, у — Дешам даврининг энг муҳим футболчиси. Мен унинг бошлиғи эмасман. Бир-биримизга қўл бериб, Франция миллий жамоасининг жаҳон даражасида ҳукмронлик қилишига уринамиз.

Агар у жамоага нимадир демоқчи бўлса, ўтириб эшитаман. Биз ҳеч кимга эшикни ёпмаслигимиз керак, ҳар ким ўз фикрини эркин билдириши мумкин», — дея Мбаппенинг сўзларини келтиради L'Equipe.