«Тоттенҳэм» футболчилари Антонио Контенинг сўзларидан норози. 

Эслатиб ўтамиз, «шпорлар» бош мураббийи «Саутҳэмптон» билан дурангдан (3:3) кейин матбуот анжуманида: «Биз жамоа эмас, 11 нафар эгоистмиз. Бу ерда улар ҳеч нарса учун курашишмайди, босимни хоҳлашмайди - улар осон йўлни танлашга одатланган. 20 йил ичида бу хўжайин билан ҳеч қандай соврин йўқ - нега?» деганди. 

Тhe Guardian'нинг ёзишича, Конте жамоани тарк этса, «Тоттенҳэм»нинг кўплаб футболчилари хурсанд бўлишади. Италиялик мутахассиснинг сўзларига биринчи бўлиб яримҳимоячи Пьер-Эмиль Ҳёйбьерг муносабат билдирди: 

«Агар сиз муваффақиятли жамоа бўлишини истасангиз, лойиҳага содиқ бўлган 11 киши кераклигини тушунаман. Лекин ўйлайманки, Конте ўз ҳис-туйғуларини мувозанатли изоҳлаши керак. Конте ҳақ ёки йўқлиги борасида ҳукм қилиш мен учун эмас. 

Биз ҳар куни бир-биримиз билан ишлашимиз, бир-биримиз учун энг яхшисини хоҳлашимиз аниқ, аммо футболда баъзида баланд тўсиқлар бор.

Бу жуда самимий ва очиқ матбуот анжумани бўлди. Ҳаммаси у хафа бўлгани учун. Чемпионлар Лигасининг чоракфиналига ва Англия Кубогининг яримфиналига чиққанимизда, бундай бўлмайди. 

Мураббий норози, буни тушунаман. Уни рози қилиш учун ҳамма нарса қиласиз. Ўзим ҳақимда айтишим мумкинки, ҳалолман ва ҳар доим жамоа учун 100% кучимни берадиган футболчиман», — деди даниялик ўйинчи.