Боян Кркич шу ҳафта футболчилик фаолиятини якунлаганини эълон қилади.

«Боян пайшанба куни хайрлашади, у «Камп Ноу»да фаолиятини якунлаганини эълон қилади. Мен бу тадбирга бораман», — деди «Барселона»нинг собиқ ҳимоячиси Жерар Пике журналист Жерар Ромеро билан суҳбатда.

Пике суҳбатда сирни ошкор қилиб қўйганини дарҳол англади ва мавзуни ўзгартиришга уринди, деб хабар беради Diario Sport.

32 ёшли Кркич 2023 йилнинг январида «Виссел Кобе»ни тарк этганидан бери эркин агент саналади.

Аввалроқ ҳужумчи «Барселона», «Рома», «Милан», «Аякс» ва бошқа жамоаларда ўйнаган. У Испания ва Нидерландия чемпионликлари, Чемпионлар Лигаси, Испания Кубоги ва Суперкубоги, Нидерландия Суперкубоги ҳамда бошқа совринларни қўлга киритган. Унинг ҳисобида Испания миллий жамоасида 1та ўйин бор.