Усэйн Болт Эрик тен Ҳагга «Манчестер Юнайтед»даги фаолияти учун миннатдорчилик билдирди.

Енгил атлетика бўйича саккиз карра Олимпиада чемпиони якшанба куни «Олд Траффорд»га ташрифи чоғида клуб бош мураббийи билан учрашди. У манкунианликлар мухлиси саналади.

«Унга айтган биринчи сўзим «раҳмат» бўлди. Ва у: «Нима учун?» деб сўради. Мен: «Шарафли ва ғалабали кунларни қайтарганингиз учун», деб жавоб бердим. 

Шунингдек, «МЮ» ёзда кимлар билан шартнома имзолашни режалаштираётганини сўрадим, у «Сенда бирон бир фикр борми?» деб жавоб берди.

Содда, аммо қизиқарли суҳбат бўлди.

Ҳозир «Манчестер Юнайтед» ўйинларини томоша қилишдан завқланяпман. Жамоа аҳил кўринади, ҳамма ҳамжиҳатликда ишлайди ва улар нимага интилаётганини, ҳаракатларида қатъийликни кўриш мумкин. Ривожланишдан жуда мамнунман ва ишончим комилки, улар янада яхшиланади. Биз кўплаб совринларни қўлга киритамиз», — деди Болт.