ПСВ Марко Дмитровичга ҳужум қилган мухлисга 40 йил стадионга киришни тақиқлади.

Европа Лигаси плей-офф босқичида ПСВ ва «Севилья» ўртасидаги жавоб баҳси (2:0, биринчи ўйин — 0:3) якунида Нидерландия жамоаси мухлиси майдонга югуриб чиқиб, меҳмонлар посбонининг юзига зарба берганди. 

Ўйинлар вақтидаги қоидабузарлик учун бунгача икки марта судланган 20 ёшли мухлис 3 ойлик қамоқ жазосига ҳукм қилинди. Бундан ташқари, суд уни икки йилга ПСВнинг уй стадиони ҳудудига боришдан четлатди.

ПСВ, шунингдек, қоидабузардан клубнинг воқеа натижасида кўрган барча молиявий зарарларини ундирмоқчи.