18 ёшли Гави ёзда «Барселона»ни эркин агент сифатида тарк этиши мумкин.

The Athletic хабарига кўра, 2022 йилнинг сентябрида имзоланган шартномада испаниялик футболчи 2023 йилнинг 30 июнига қадар асосий жамоа ўйинчиси сифатида рўйхатдан ўтмаса, жамоани товон пулисиз тарк этиши мумкинлиги борасида банд бор.

Аввалроқ прокуратура шартномани рўйхатдан ўтказмаган ва Гави таркибда ҳамон ёшлар жамоаси футболчиси сифатида қолаётгани хабар берилганди.

Каталония клуби вакиллари апелляция бериш ниятида, чунки улар барча зарур ҳуқуқий тартиб-қоидаларни ўз вақтида бажаришганига ишончлари комил.