«Парма» дарвозабони, бунгача «Ювентус» ва «ПСЖ» клубларида тўп тепган Жанлуижи Буффон Париж клубидан кетганини ҳаётидаги энг катта хатоси деб билишини тан олди.

«ПСЖ»да ўйнаш фаолиятимдаги энг яхши тажриба бўлди. Мен мега-жамоада ўйнадим: техник жиҳатдан биз ҳаммадан кучлироқ эдик, аммо Чемпионлар Лигасидан чиқиб кетдик. 

«ПСЖ»ни тарк этиш ҳаётимдаги энг катта хато бўлди. 10 миллион еврони рад қилгандим», — дея Буффоннинг сўзларидан иқтибос келтиради журналист Николо Скира.

45 ёшли Буффон 2018/2019 йилги мавсумда «ПСЖ»да ўйнаган. Италиялик дарвозабон парижликлар сафида 25та ўйин ўтказиб, жамоасининг чемпионлик ва Франция Суперкубогини қўлга киритишига ёрдам берди.