Ла Лига 26-тури доирасидаги «Барселона» - «Реал» ўйинини (2:1) кузатиш учун «Камп Ноу» ўйингоҳига 95 мингдан ортиқ томошабин ташрифи кузатилди.

RAC1 хабарига кўра, Каталония клуби «Эль-Класико»да чипталар сотувидан клуб учун рекорд даромад кўрган. Қайд этилишича, «Реал»га қарши ўйин чипталари сотувидан клуб 8,2 миллион евро ишлаб олган. Бу – бир ўйинда клубнинг чипта сотувидан тушган энг кўп даромадидир. 

Маълумот учун, «Барселона» Мадрид клуби устидан эришилган ғалабасидан кейин асосий таъқибчисидан 12 очкога ўзиб кетди.

Аввалроқ, «Эль-Класико» учун чиқарилган чипталар бир соатга етмай, сотиб бўлингани ҳақида хабар қилинганди.