Пеп Гвардиола Англия Кубоги 1/4 финалидаги «Бёрнли»га (6:0) қарши баҳсда ҳет-трикдан сўнг Эрлинг Ҳоландни алмаштиргани ҳақида гапирди.

«Ҳоландни Мессининг Англия Кубогидаги рекордини янгилаб қўймаслиги учун захирага олдим. Мен ҳар доим футболчиларимни жазолашга интиламан, бу менга керак», — дейди мураббий. 

Норвегиялик ҳужумчи сешанба куни ЕЧЛ 1/8 финалида «Лейпциг»га (7:0) 5та гол уриб, ушбу турнирда Лионель Мессининг рекордини такрорлаганди. Ўша баҳсда ҳам Эрлинг захирага олинган, Пеп эса «Ҳоланд Мессининг рекордини янгилашга ёшлик қилади» дея ҳазиллашганди. Мураббий бу сафар ўша киноясига ишора қилди, аслида аргентиналик ҳужумчи Англияда ўйнамаган.