«Манчестер Юнайтед» бош мураббийи Эрик тен Ҳаг Европа Лигаси 1/8 финалидан ўрин олган «Бетис»га (1:0, биринчи ўйин — 4:1) қарши баҳсдан сўнг ўз фикрлари билан ўртоқлашди.

«Хурсандман. «Бетис» — жуда яхши жамоа, буни уларнинг «Реал» ва «Барселона»га қарши ўйинларида кўрдик. Лекин уларни икки марта мағлуб этдик, шунинг учун жуда яхши ўйнадик деб ўйлайман. Иккинчи бўлимда тўпни анча яхши эгаллаб олдик, уни майдон марказида ушлаб турдик ва кейин вазиятлар яратдик.

Барча футболчилар жуда яхши ўйнашди. Демак, бизда нафақат 11 ўйинчи, балки бутун жамоа бор.

Факундо Пельистри ажойиб ҳаракат қилди. У машғулотларда ўзини кўрсатади, аммо ўйин бошқача. Бошида у баҳсга мослашиши керак эди, бир неча дақиқадан сўнг ўзига ишонди, яхши ўйнади», — дея манкунианликлар устозининг сўзларини келтиради ВВС.