«Пахтакор» бош мураббийи Максим Шацких Суперлига 3-туридан ўрин олган «Навбаҳор»га (2:1) қарши ўйиндан сўнг ўз фикрлари билан ўртоқлашди.

«Кутилганидек ҳақиқий дерби бўлди. Аввало, биз мухлислар учун ўйнаймиз. Ўйлайманки, улар биздан мамнун бўлишди.

3 марказий ҳимоячи билан ўйнаганимиз «Навбаҳор»нинг кучлилиги учун эмас. Бизда турли схемалар бор. Кейинги баҳсда умуман бошқа таетикада ўйнашимиз мумкин. Рақибларни ўрганиб чиқиб, ҳар бир ўйинга алоҳида режа тузамиз, рақибнинг кучли томонларини зарарсизлантирамиз.

Ҳакамлар? Ҳамманинг ўз виждони бор. Менимча, биринчи пеналти йўқ эди, иккинчисида эса жарима майдончасида футболчилар кўп эди ва кўриш қийин бўлди. Барчасини ҳакамлар қўмитасига қолдирамиз.

Ғалабанинг олдинги турлардан кучлироқ ўйнаганимизни билдиради. Энди ишларимиз яхшиланади. Кейинги баҳсга тайёргарликни бошлаймиз. Муҳими — миллий жамоага чақирилган йигитлар соғ қайтишсин.

Сардор Рашидовнинг туширилмагани? Бу унинг жисмоний ҳолати билан боғлиқ. У деярли 2 ой шуғулланмаган. ФИФА кунларидан сўнг бошқа Рашидовни кўрамиз.

Ёшлар ЖЧга чиққани? Биринчи марта айтмаяпман: бу — биз учун муаммо. Клубимиздан барча жамоаларга жами 38 ўйинчи жалб қилинади. «Пахтакор» миллий жамоалар ҳомийсидек. Лекин U-20 жамоамизнинг тўртликка киргани ва турнир финалига чиққанидан хурсандман. Жаҳон чемпионатида бошқа мактабларни кўриб, кучимизни билиб оламиз.

Диёр Ҳолматов? Яхши ўйнади. Биринчи бўлимда катта иш қилди. Янги куч керак бўлгани учун уни алмаштирдим. Унга эътирозим йўқ,  аммо кейинги ўйинларда янада агрессив ўйнашига умид қиламан», — дея Шацкихнинг сўзларини келтиради Tribuna.uz мухбири.