УЕФАнинг Ньондаги қароргоҳида Европа лигаси чоракфинал босқичига қуръа ташлаш маросими бўлиб ўтди.

Унга кўра, «Манчестер Юнайтед» кетма-кет учинчи плей-оффда ҳам испан клубига қарши ўйнайдиган бўлди – «Севилья». Тен Ҳаг шогирдлари бунгача «Барселона» ва «Бетис»ни турнирдан чиқариб юборганди. Гуруҳ босқичида эса «Реал Сосьедад»дан кейинги 2-ўринни эгаллаганди.

Турнир ғолиблигига яна бир даъвогар «Ювентус» эса «Спортинг» тўсиғидан ўтишга интилади. Португал клуби 1/8 финалда «Арсенал»ни турнирдан чиқариб юборди.

Яна икки жуфтликда «Байер» – «Юнион», «Фейеноорд» – «Рома» ўзаро тўқнаш келади.

Европа лигаси 1/4 финал жуфтликлари:
«Манчестер Юнайтед» – «Севилья»
«Ювентус» – «Спортинг»
«Байер» – «Юнион»
«Фейеноорд» – «Рома»

Яримфинал сеткаси қуйидагича кўриниш олган:
«Ювентус» / «Спортинг» – «Манчестер Юнайтед» / «Севилья»
«Фейеноорд» / «Рома» – «Байер» / «Юнион».

Маълумот учун, 1/4 финалнинг дастлабки ўйинлари 13 апрель, жавоб баҳслари 20 апрель куни ўтказилади. Яримфиналлар 11 май ва 18 май кунлари ўтади. Финал 31 май куни Будапештдаги «Пушкаш Арена»да бўлиб ўтади.