Лучано Спалетти Пеп Гвардиоланинг «Наполи» ҳақидаги сўзлари самимийлигига ишонмайди.

Эслатиб ўтамиз, «Манчестер Сити» бош мураббийи бу йил ўйин сифати бўйича неаполликлар Европада энг кучли жамоа бўлиши мумкинлигини айтганди.

«Ғурурланмаяпман, ҳеч нарсани ҳис қилмаяпман. Бу ўйинни ҳамма бошқаларга босим ўтказиш учун ўйнашини биламан.

«Наполи»ни «Манчестер Сити»дан устун қўйиш? Улар бизнинг 9 млн еврога нисбатан 900 млн евро сарфлай олишса, бунинг сабаби бўлиши керак.

Пепнинг сўзлари — бу бизни оёғимиздан чалиш учун қилинган ўйин», — дея Спалеттининг сўзларини келтиради Goal.

Маълумот учун, «Наполи» А Серияда 18 очколик фарқ билан пешқадамлик қилмоқда, ЕЧЛда эса 1/4 финалга чиқди.