«Арсенал» бош мураббийи Микель Артета Европа Лигаси 1/8 финалидан ўрин олган «Спортинг» (1:1, пен — 3:5) билан ўйиндан сўнг ўз фикрларини билдирди.

«Етарлича ҳаракат қилмадик. Бу, албатта, катта зарба. Дастлабки 75 дақиқа давомида ўз даражамизда бўлмадик. Ҳар бир тўпни бой бердик ва ўйинда устунлик қила олмадик.

Охирги 15 дақиқада ва қўшимча бўлимларда ғалаба қозониш учун имкониятларимиз бор эди. Лекин пенальтиларга келганда ҳаяжон ошди ва ютқаздик.

Ўзимизга қарашимиз ва нима учун кейинги босқичга чиқиш учун етарлича яхши бўлмаганимизни тушунишимиз керак. Олдинда бизда 11та ўйин бор, биринчиси «Кристал Пэлас»га қарши», — деди «Арсенал» устози BT Sport нашрига.