«Ливерпуль» бош мураббийи Юрген Клопп ЕЧЛ 1/8 финалидан ўрин олган «Реал» (0:1, биринчи ўйин — 2:5) билан баҳсдан сўнг ўз фикрларини билдирди.

«Агар кейинги босқичга чиқишни истасангиз, биринчи ўйинда 2:5 ҳисобида ютқазиш яхши натижа эмас. Жавоб баҳсида ўзгача ўйин кўрсатиш керак эди, аммо уддасидан чиқа олмадик.

Бундай беллашувларда вазиятлар яратиш керак. Агар биринчи бўлимда гол урганимизда, керакли тезликни олишимиз мумкин эди, аммо бу назарий жиҳатдан. «Реал» тўртта бўлимнинг учтасида яхшироқ ўйнади, шунинг учун улар 1/4 финалга лойиқ.

Агар уйимизда дуранг қайд этиб, бугун худди шундай ўйнаганимизда ҳам барибир мусобақадан чиқиб кетган бўлардик. Бу стадионга келиб, нимадандир умид қилиб бўлмайди», — деди мерсисайдликлар устози BT Sport эфирида.