Эрлинг Ҳоланд Чемпионлар Лигасида Лионель Месси ва Луис Адрианонинг натижасини такрорлади.

«Манчестер Сити» форварди ушбу турнирда пента-трик қайд этган 3-футболчига айланди. 

Норвегиялик футболчи 1/8 финалда «Лейпциг» (7:0) дарвозасини 5 марта ишғол қилди.

Рекорд 2012 йилда «Барселона» сафида «Байер»га қарши ўйинда 5та гол урган Лионель Месси томонидан ўрнатилган. «Шахтёр» собиқ ҳужумчиси Луис Адриано эса 2014 йилда БАТЭ билан баҳсда аргентиналик натижасини такрорлаган.