Италия миллий жамоасининг собиқ бош мураббийи Чезаре Пранделли фаолиятини якунлаганини эълон қилди.

«Ўзимни яхши ҳис қиляпман, қолганлари мен учун муҳим эмас. Баъзи таклифлар бўлди, лекин мен орзу қилган ягона нарса — набиралар билан боғда ўйнаш. Ҳаётдан завқ олишни хоҳлайман», — дея мутахассиснинг сўзларини келтиради Марcа.

Пранделли футболчи сифатида 1984/1985 йилги мавсумда «Ювентус» билан Европа Чемпионлар Кубогини ютган. У футболчилик фаолиятини 1990 йилда «Аталанта»да якунлаган ва худди шу клубда мураббий сифатида ишлай бошлаган. 

Чезаре 2010-2014 йилларда Италия миллий жамоасини бошқариб, «мовий гвардия»ни 2012 йилги Европа чемпионати финалига олиб чиққан. Мураббийлик фаолиятидаги сўнгги клуби «Фиорентина» бўлган.