Антонио Конте «Тоттенҳэм»нинг асосий мақсади Премьер-лигада топ-4ликдан жой олиш эканини айтди. Унинг фикрига кўра, жамоалар фақат 4-ўрин учун курашмоқда ва дастлабки 3та ўрин эгалари деярли аниқ.

«Биз учун АПЛда топ-4ликдан ўрин олиш Премьер-лигани ютиш билан баробар. Ўтган мавсум буни уддалай олгандик ва ўшанда бу натижа биз учун мўъжизага тенг эканини айтгандим. Бу мавсум эса Чемпионлар лигасига йўлланма берадиган ўринлар учун курашда жуда кўп жамоалар иштирок этмоқда. Ўтган йил билан таққослаганда бу сафар жамоалар фақат битта ўрин – 4-ўрин учун курашмоқда», - дейди Конте.

Маълумот учун, «Тоттенҳэм» шанба куни «Ноттингем Форест»ни мағлуб (3:1) этиб, 48 очко билан 4-ўринда бормоқда. 3-ўриндаги «МЮ» ҳисобида 49 очко ва 2 ўйин захираси мавжуд.