Ўзбекистон ёшлар жамоаси яримҳимоячиси Аббос Файзуллаев U-20 Осиё Кубоги 1/4 финали доирасида Австралияга (1:1, пен — 5:4) қарши ўйиндан сўнг ўз фикрлари билан ўртоқлашди.

«Аллоҳга беҳисоб шукр.  Жаҳон чемпионатига чиқиш учун 2 йил ишлагандик. Миллий жамоадаги ҳамма футболчилар-у ходимлар тер тўкишди. 

Австралия — кучли жамоа. Биринчи бўлимдаги ўйинимиз қовушмаган бўлмаса-да, танаффусда хотиржам эдик. Ўзимизга ишончимиз бор эди. Рақибни ўргангандик. 120 дақиқа давомида боримизни бердик. 

Турнир бошланишидан олдин максимум вазифа қўйганмиз. Мақсадимиз — чемпион бўлиш.

Бирга-бир вазиятни уролмаганимдан кейинги ҳиссиётлар? Характер кўрсатишим талаб этиларди. Ҳаётда синиб қолмаслик, йиқилганда тура олиш керак», — дея Файзуллаевнинг сўзларини келтиради Tribuna.uz мухбири. 

Ўзбекистон U-20 яримфиналга чиқиш орқали Индонезияда ўтадиган жаҳон чемпионати йўлланмасини ҳам қўлга киритди.