«Рома» бош мураббийи Жозе Моуриньо ҳакамлар билан келишмовчилик туфайли дисквалификация қилинди. 

Эслатиб ўтамиз, А Сериянинг 24-туридан ўрин олган «Кремонезе» билан ўйиндан сўнг (1:2) римликлар устози ҳакамлар билан зиддият туфайли 2та ўйинга четлатилган, бироқ апелляция туфайли «Ювентус» (1:0) билан баҳсда дисквалификация тўхтатиб турилганди. 

Португалиялик мутахассис апелляцияни бой берди, шу сабабли дисквалификация яна кучга кирди. Жозе А Сериянинг навбатдаги турларидаги «Сассуоло» ва «Лацио»га қарши ўйинларни ўтказиб юборади. 

Қарордан сўнг «Рома» ўйинлардан олдин ва кейинги матбуот анжуманларини бойкот қилди. 

Моуриньонинг ўзи эса дисквалификациядан кўп ўтмай «инстаграм»га қўлларини боғлаган ҳолда сурат жойлади. Пост реклама бўлишига қарамай, ОАВ буни мураббийнинг «Интер»да ишлаган пайтидаги ишораси сифатида кўрди. Ўшанда мураббий ҳакамлар қарорига норозилик билдирган ва шу тариқа қўл кишанларини кўрсатганди.