«ПСЖ» бош мураббийи Кристоф Галтье ЕЧЛ 1/8 финалидан ўрин олган «Бавария» (0:2, биринчи ўйин — 0:1) билан баҳсдан сўнг ўз фикрларини билдирди.

«Ташаббус ўзимизда бўлганида қандай гол уришни тушунмадик. Биринчи бўлимни яхши ўтказдик, вазиятлар яратдик. Рақиб билан тенг ўйнаб, яхши имкониятларга эга бўлдик. Аммо иккинчи бўлимда аҳмоқона тўп ўтказиб юбордик. Бундай даражадаги баҳсда эҳтиёткорлик билан ўйнаш керак. 

Албатта, «Бавария»нинг прессингидан хабардор эдик, ундан қочиш учун узун паслардан уялмаслигимиз керак эди. Аммо бир соатлик ўйиндан сўнг ютқазаётганингизда қийин бўлади.  

Агар ҳисобни очганимизда ўйин бошқача кечган бўларди. «Бавария»дан муҳим ўйинчиларимизнинг йўқлиги билан ажралиб турдик. Айримлар биринчи, кўпчилик иккинчи ўйинни ўтказиб юборди. Марказий ҳимоячиларни алмаштиришга мажбур бўлдик ва бу бизни заифлаштирди. 

Албатта, умидсизлик кучли. Ҳаммасини ҳазм қилишимиз ва қабул қилишимиз, кейин эса чемпионатдаги йўлимизни давом эттиришимиз керак. Ҳамманинг ҳафсаласи пир бўлди, айниқса, менинг. Иккинчи ўйиндан умидимиз катта эди.

Келажагим ҳақида гапиришга ҳали эрта. Албатта, бу раҳбариятга, президентга боғлиқ. Клубнинг бу турнирдан умидлари катта эди. Мен мавсум охири, уни қандай куч ва қатъият билан ўтказишга эътиборимни қаратганман», — деди Галтье Canal+ эфирида.