«Челси» бош мураббийи Грэм Поттер ЕЧЛ 1/8 финалидан ўрин олган «Боруссия Д»га (2:0, биринчи ўйин — 0:1) қарши баҳсдан сўнг ўз фикрлари билан ўртоқлашди.

«Жуда кўп ҳис-туйғулар. Баҳс охири кескин бўлди, лекин йигитлар фантастик ўйнашди. Улар ғалаба қозонганидан хурсандман ва бу ҳамма учун ажойиб. 

Пенальти? Улар жарима майдончасига югуришганини билардим. Ҳаверц ёки Жеймс пенальти тепиши керак эди. Шубҳасиз, биз Кайга ишонамиз. 

Пенальтида қарамадим, лекин гуриллаган овозни эшитиб хурсанд бўлдим.  

Кийиниш хонасида фантастик муҳит. Қийин даврни бошдан кечирдик ва бу турнир биз учун катта аҳамиятга эга. Чоракфиналга чиқишни хоҳлагандик ва бу кейинги бир неча ҳафта давомида бизга кайфият беради. 

Тикланиб, шанба кунги «Лестер»га қарши ўйинга тайёргарлик кўришимиз керак. Йигитлар учун бу жуда яхши — оғир даврдан кейин иккита «қуруқ ўйин». Барчаси қандай муносабатда бўлишингизга боғлиқ. 

Рақибга босим ўтказишимиз муҳим эди. Мухлислар биз билан бирга эди. Буни амалга ошириш осон бўлмади, чунки «Боруссия» — ишончли ўйин кўрсатадиган топ жамоа. 

Ўйинчиларни ҳурмат қилишингиз керак, улар борларини беришди ва икки ўйин давомида кейинги босқичга чиқишга лойиқмиз деб ўйладим», — дея Поттернинг сўзларини келтиради ВВС.