Килиан Мбаппе унинг «ПСЖ»даги келажаги «Бавария»га қарши ўйинга боғлиқ эмаслигини айтди.

8 март куни Франция клуби Чемпионлар Лигаси 1/8 финал жавоб ўйинида «Бавария» меҳмони бўлади. Биринчи ўйин мюнхенликларнинг 1:0 ҳисобидаги ғалабаси билан якунланган эди.

«Йўқ, ундай ўйламайман. Агар келажагимни Чемпионлар Лигаси билан боғлаганимда, жуда узоққа кетган бўлардим (кулади). Бу клубга нисбатан ҳурматсизлик эмас. Мен шу ердаман, бахтлиман ва «ПСЖ»га фақат позитив лаҳзалар бериш ҳақида ўйлайман.

Тақдирлаш учун барчангизга раҳмат. Мухлисларнинг муносабати менга ёқди, бу ўзгача лаҳза бўлди. Барчангизга раҳмат. Аммо энди биз тезроқ ҳаракат қилишимиз керак. Олдинда бизни катта ўйин кутиб турибди, унга аниқ мақсад билан ёндашамиз», — дея Мбаппенинг сўзларини келтиради RMC Sport. 

Эслатиб ўтамиз, 24 ёшли француз «ПСЖ»даги голларини 201тага етказиб, клуб тарихидаги энг яхши тўпурарга айланди.