«Барселона»нинг ёзги трансфер ойнасидаги мақсадлари маълум бўлди.

Diario Sport хабарига кўра, клуб «Манчестер Сити» футболчилари Илкай Гундўған, Хулиан Альварес ва Бернарду Силвага қизиқиш билдирмоқда. 

Каталония клуби ўтган ёзда ҳам музокарага киришган Бернарду Силва «Сити»ни тарк этиш ниятида, аммо бу йил уни сотиб олиш анча қийинроқ бўлади. 

Амалга ошиши эҳтимоли юқори трансферлардан бири Хулиан Альваресдир, у Эрлинг Ҳоланднинг соясидан чиқмоқчи. Аргентиналик ҳужумчининг келажаги Ҳоланднинг 2024 йилдан кейин клубда қолиш-қолмаслигига боғлиқ. 

«Барселона»нинг молиявий аҳволи оғирлиги ҳисобга олинса, энг реал трансфер Гундўғандир. Германиялик футболчининг шартномаси июн ойида тугайди. Аммо қайд этилишича, «Барса» Илкай билан шартнома имзолаш учун бир қанча футболчиларини сотиши мумкин. 

Испан клуби «Ман Сити»даги вазиятни — молиявий фирибгарлик айбловлари ва санкциялар таҳдидини кузатишда давом этмоқда.