«ПСЖ» ҳужумчиси Лионель Месси ФИФА томонидан йилнинг энг яхши футболчиси совринини қўлга киритганидан сўнг ўз фикрларини билдириб ўтди.

«Бу маросимда иштирок этиш ва мукофот олиш мен учун шарафдир. 

Бензема ва Мбаппени ажойиб йил ўтказишгани учун таъкидламоқчиман. Шерикларимдан миннатдорман, Скалони ва Эмилиано ҳам бугун шу ерда ва биз бир жамоамиз. Бу мукофотлар Қатарда қилган ишларимиз учун бутун жамоага берилмоқда. 

Ақл бовар қилмас йил бўлди, кўп йиллик курашлардан кейин орзуйимни (жаҳон чемпионлиги) амалга оширишга муваффақ бўлдим. Ҳар бир футболчи буни орзу қилади, аммо бунга эриша оладиганлар кам. Оиламга, барча аргентиналикларга хотирамизда абадий сақланиб қоладиган ўзига хос ой учун миннатдорчилик билдирмоқчиман. Ҳозир маросимни томоша қилаётган фарзандларимни ўпиб қоламан. Уйқу вақти келди!» — деди аргентиналик ҳужумчи.