ФИФА 2022 йилнинг энг яхши ўйинчисини эълон қилди.

The Best мукофотини Аргентина миллий жамоаси ва «ПСЖ» ҳужумчиси Лионель Месси қўлга киритди.

35 ёшли футболчи Аргентина билан Қатардаги жаҳон чемпионатида ғолиб чиқди ва мундиалнинг энг яхши ўйинчисига айланди. Шунингдек, Лео Париж клуби сафида Лига 1 ва Франция Суперкубогида ғалаба қозонди.

Месси 2-бор The Best совринига сазовор бўлиб, бу борада етакчилар Криштиану Роналду ва Роберт Левандовскига етиб олди.

Даъвогарлар орасида Килиан Мбаппе («ПСЖ»/Франция) ва Карим Бензема («Реал»/Франция) ҳам бор эди.