«Арсенал» яримҳимоячиси Жоржиньо қишки трансфер ойнасида «Челси»ни тарк этгани сабабини маълум қилди.

«Қишки трансфер ойнасида «Челси» раҳбарияти билан учрашиб гаплашдик. Суҳбатда клуб режаларидан ўрин олмаганимни лўнда қилиб тушунтириб қўйишди. Энди клуб лойиҳасининг бир қисми эмаслигимни тўғри қабул қилишим керак эди. Ҳамма нарсанинг ҳам охири бўлади. «Челси»даги фаолиятим ниҳоясига етганини тушунгандим. 

Мен учун фаолиятимни бошқа клубда давом эттириш ва ўсишдан тўхтамаслик муҳим эди. Менга таклиф билан чиққан «Арсенал»нинг лойиҳаси ва Микель Артетанинг ўйин ғоялари менга маъқул бўлди», - дея Жоржиньонинг сўзларини келтирган DAZN.

Маълумот учун, 31 ёшли футболчи «канонирлар» билан 2024 йилга қадар шартнома имзолаган. У 13,5 миллион евро эвазига «Арсенал»га ўтганди.

«Арсенал» 54 очко билан АПЛда пешқадамлик қилаётган бўлса, «Челси» турнир жадвалида 31 очко билан 10-ўринни эгаллаб турибди.