Аарон Рэмсдейлни тепган «Тоттенҳэм» мухлиси айбини тан олди.

АПЛ 20-туридан ўрин олган «Арсенал»нинг «Тоттенхэм»га қарши ўйини (2:0) якунида мухлислардан бири «тўпчилар» дарвозабонини тепиб, кейин қочиб кетганди.

Айбдор — пабда ишловчи 35 ёшли Жозеф Уоттс судга чақирилди. У дарвозабонга ҳужум қилиш, чегарани бузиш ва майдонга турли предметларни улоқтириш бўйича айбини тан олди.

«Тоттенҳэм» мухлисига 12 ойлик жамоат ишлари белгиланди, у Рэмсдейлга 100 фунт стерлинг товон пули тўлайди, шунингдек, 150 соатлик ҳақ тўланмайган ишга жалб қилинади. Асосийси Жозефга 4 йилга футбол ўйинларига бориш тақиқланди.