«Барселона» бош мураббийи Хави Европа Лигаси 1/16 финалидан ўрин олган «Манчестер Юнайтед» (2:2) билан ўйиндан кейин ўз фикрларини билдирди.

«Тенг ўйин. Жуда меҳнаткаш ва жисмонан кучли, қандай курашишни яхши биладиган Европанинг топ жамоаларидан бири билан билан учрашдик. Аммо йўл топдик. Ғалаба голини уришимиз мумкин эди, деган ҳис бор. Ҳаммаси «Олд Траффорд»да ҳал бўлади. У ерга кейинги босқичга йўлланма олиш учун борамиз. 

«Манчестер Юнайтед»га қарши ўйинда босим остида бўласиз, рақиб кўп дуэлларда ғалаба қозонади. Баъзида тўпни олдинга олиб чиқиш биз учун қийин бўлди, лекин умуман олганда уддаладик. Биз ҳам тўпни йўқотганимиздан кейин яхши прессинг қилдик, аммо рақиб сафида тўғри қарор қабул қиладиган ажойиб футболчилар бор. 

Менимча 85-дақиқада (Фреднинг қўлига тўп теггани) яққол пенальти бор эди. Ўйиндан сўнг ҳакам (Маурицио Мариани) олдига бордим ва бу аниқ пенальти эканлигини айтдим. Менинг фикрим шундай, лекин бу ҳеч нарсани ўзгартирмайди. Ҳакам қўл танага яқин эканлигини айтди, аммо, менимча, бу пенальти эди. 

Ғалаба қозонишни хоҳладик ва ўйин охирида ажойиб имкониятга эга бўлдик. Бу иш бермагани ачинарли

Тен Ҳаг «МЮ» устунлик қилганини айтди? Унинг фикрини ҳурмат қиламан, лекин ўйлайманки, биз ҳам кўп вазият яратдик ва ғалаба қозонишимиз мумкинлигини ҳис қилдик. Пенальти берилиши керак эди. Чемпионлар Лигасида Миланда («Интер», 0:1) ҳам шунга ўхшаш ҳолатда пенальти беришмаганди», — дея Хавининг сўзларини келтиради Marca.