«Реал» бош мураббийи Карло Анчелотти Ла Лига 21-туридан ўрин олган «Эльче»га (4:0) қарши ўйиндан сўнг ўз фикрлари билан ўртоқлашди.

«Яхши ўйин. Баҳснинг боришини назорат қилдик, майдоннинг сўнгги учинчи қисмида яхши ўйнадик, кўп имкониятларга эга бўлдик, рақибга қарши ҳужумлар уюштиришга йўл қўймадик.

Мавсумнинг шундай муҳим палласида ҳаммаси яхши. Бизга барқарорлик керак.

Бензема? У шунчаки ҳужумчи эмас. У жамоадошлари билан яхши боғламга эга. У ҳар доим жарима майдончаси ичида ҳужумни якунлашга тайёр ва шу билан бирга тўпга эгалик қилишда бизга катта ёрдам беради.

Дублдан сўнг Карим «Реал»нинг Ла Лигадаги энг яхши тўпурарлари орасида 2-ўринга кўтарилди. У ажойиб фаолият ўтказмоқда. Умид қиламанки, шундай ўйнашда давом этади, чунки «Реал»нинг барча мухлислари буни хоҳлашади», — деди мадридликлар устози DAZN эфирида.