«Челси» бош мураббийи Грэм Поттер АПЛ 22-туридан ўрин олган «Фулҳэм» (0:0) билан ўйиндан кейин ўз фикрларини билдирди.

«Албатта, ғалаба қозона олмаганимиздан хафамиз. Ўйлайманки, барчамиз кўтаринкилик ва ижобийликни ҳис қилдик. Футболчиларнинг кайфияти жуда яхши. Улар уюшқоқ жамоага қарши бир-бирлари учун астойдил курашишди. 

«Фулҳэм» футболчилари узоқ вақтдан бери бирга. Биз бошқа босқичдамиз – ўйинчилар жароҳатдан қайтишмоқда, янгилар қўшилмоқда. Бизга ишларни тўғри йўлга қўйиш учун вақт керак.  

Бизда жуда кучли футболчилар гуруҳи борлигини ҳис қиляпмиз. Бирлашишимиз ва чиндан ҳам яхши жамоага айланишимиз керак. Ҳамжиҳатлик айнан мана шунда.

Янги ўйинчилар бор. Улар янги мамлакат ва лигага мослашишмоқда. Бу унчалик осон эмас, айниқса, уларнинг нархи ҳақида саволлар бўлганда», — дея Поттернинг сўзларини келтиради ВВС.