«Ювентус» бош мураббийи Массимилиано Аллегри Италия Кубоги 1/4 финалидан ўрин олган «Лацио»га (1:0) қарши баҳсдан сўнг ўз фикрлари билан ўртоқлашди.

«Яхши ўйин кўрсатдик, айниқса, биринчи бўлимда. Танаффусдан сўнг «Лацио» кўпроқ тўпга эга бўлди, аммо уларга кўп имконият яратишга имкон бермадик.

Энг муҳими, «Монца»га (0:2) қарши биринчи бўлимдаги ёмон ўйинни кўрмадик —  тўғри муносабат. Ўшанда кераксиз голлар ўтказиб юборгандик.

Жамоа масъулиятни тушунадиган, тактика ва техника муҳимлигини биладиган катта ўйинчилардан иборат. «Лацио»нинг кучли босимига қаршилик кўрсатиб, сабрли ўйнадик.

Бу рақибга қарши ўйнаш осон эмас, айниқса, улар тўпни тез ҳаракатлантиришганида жуда хавфли. Уларни иккинчи бўлимда секинлаштира олдик ва ҳужумларни ажойиб тарзда бартараф қилдик», — деди Аллегри Sport Mediaset нашрига.