Жозе Моуриньо «Наполи»га қарши ўйин олдидан ҳали мавсумнинг иккинчи қисми кутиб турган бўлса-да, рақиб жамоани А Сериядаги чемпионлик билан қутлади.

«Наполи» бизга қарши баҳсда ҳам мавсум бошидан бери кўрсатаётган ўйинини намойиш этади. Умид қиламанки, мени тўғри тушунишади – ҳозирданоқ «Наполи»ни А Серияда ғолиблик билан табриклайман. Скудетто – уларники, «Наполи» бунга ҳақли тарзда эга чиқди. Бу жамоа – А Сериядаги энг кучли рақиб. Улар 2-ўриндан 13 очко олдинда. «Интер»дан эса 13 очко олдинда. Бу катта фарқ. 

«Интер», «Милан» ва бошқалар кетма-кет 7-8 ўйинда ғалаба қозониш учун барқарорликка эга эмас. 

Шунга қарамай, «Рома» «Наполи»ни мағлуб этишга уринади. Улар чемпион бўлишга улгурган», - дейди Моуриньо ўйин олдидан.

Маълумот учун, «Наполи» - «Рома» ўйини бугун, 29 январь соат 00:45да бошланади. Неаполь клуби 19 ўйиндан кейин 50 очко билан 1-ўринда бораётган бўлса, «Рома» 37 очко билан 6-ўринда бормоқда.