Навоийнинг «Қизилқум» клуби Асрор Алиқуловни жамоанинг янги бош мураббийи деб эълон қилди.

«Жамоамизни янги мавсумда тажрибали мураббий Асрор Алиқулов бош мураббий сифатида бошқариб боради», - дея хабар берган клуб матбуот хизмати.

Асрор Алиқуловнинг мураббийлик фаолиятида 2017 - 2018 йилларда «Шўртан», 2018 - 2019 йилларда «Машъал» ҳамда 2020 - 2021 йилларда яна Ғузорнинг «Шўртан» жамоаларида бош мураббий лавозимида ишлаган. 

Қолаверса, футболчилик фаолиятида 5 маротаба Ўзбекистон чемпиони, 5 марта Ўзбекистон Кубоги соҳибига айланган, Ўзбекистон терма жамоасида 60 дан ортиқ учрашув ўтказган.

Эслатиб ўтамиз, Навоий клуби 2022 йилги мавсумда Никола Лазаревич қўл остида 5-ўринни эгаллаганди.