Аргентиналиклар «Франция, йиғлашни бас қил» петициясини бошлаб юборишди.

Айни пайтда уни 250 мингдан ортиқ киши имзолаган. Бу 2022 йилги жаҳон чемпионати финалини қайта ўтказишни талаб қилган французларнинг петициясига аргентиналикларнинг жавобидир.

«Жаҳон чемпионати финалидаги ғалабамиздан кейин французлар йиғлашдан, нолишдан тўхташмаяпти ва Аргентина жаҳон чемпиони эканлигини тан олишмаяпти.

Бу петиция французлар йиғлашни бас қилишлари ва Месси футбол тарихидаги энг зўри, Мбаппе эса унинг ўғлидек эканлигини қабул қилишлари учун», — дейилади матнда.