Бразилия миллий жамоаси бош мураббийи Тите ЖЧ-2022 чоракфиналидан ўрин олган Хорватияга (1:1, пен — 2:4) қарши баҳсдан кейин ўз фикрларини билдирди.

«Ўйин тугаши билан кийиниш хонасига кириб кетганим? Ҳар доим шундай. Бу ғалаба ёки мағлубиятга боғлиқ. Ёки ғалаба қозонганимиздан сўнг майдонда нишонлаганимни кўрдингизми? Йўқ, қилмаганман. Бу — менинг услубим, лекин бугун бошқачароқ йўл тутишим керак эди.

Ҳал қилувчи зарбани берадиган футболчи катта босим остида бўлишини ўйлагандик. Бунда руҳий жиҳатдан кучли футболчи керак эди. Шу сабаб Неймарни 5-пенальтига қўйгандим, аммо унгача етиб бормади», — дейди истеъфосини эълон қилган бразилиялик мураббий.