Ўзбекистон миллий жамоаси ҳимоячиси Рустам Ашурматов Камерунга (2:0) қарши ўртоқлик баҳсида жароҳат олиб, майдонни тарк этганди. 

ЎФА матбуот хизматининг ёзишича, текширув хулосалари натижасида лат ейиш ташхиси қўйилган. Мутахассисларга кўра, бу суяк тўқималарининг жиддий жароҳатини келтириб чиқармаган.

Даволаш-тикланиш жараёни бошлаб юборилган бўлиб, футболчи эртадан индивидуал машғулотларда иштирок этиши кутиляпти. Шифокорларнинг тавсиясига кўра, у 27 сентябрдаги Коста-Рикага қарши баҳсда иштирок этмайди.